ሙሉጌታ ኣጽብሃ

ቤ/ም ጉዳያት እስልምና ክልል ትግራይ ምስ ላዕለዋይ ቤ/ም ኢትዮጵያ ኣቋሪጽዎ ዝነበረ ርክብ ንምቕጻል ወሲኑ

ቤት ምኽሪ ጉዳያት እስልምና ክልል ትግራይ ምስ ላዕለዋይ ቤትምኽሪ ጉዳያት እስልምና ኢትዮጵያ ኣቋሪፅዎ ዝነበረ ርክቡ ዳግም ንምቕፃል ወሲኑ። እቲ ቤት ምኽሪ ትማሊ ሓሙስ ኣብ ዘካየዶ ጉባኤ፤ ካብ ጉዳያት እስልምና ኢትዮጵያ ዝተፀሓፈሉ ናይ ይቕሬታን ርክብና ዳግም ንጀምር ደብዳበ ከምዝተቐበሎ ኣፍሊጡ።

“ካሕሳ እምበር ወለድ ክንከፍል ኣይንፅበን”

“ካሕሳ እምበር ወለድ ክንከፍል ኣይንፅበን”

ኣብ ክልል ትግራይ ኲናት ዝፈጠረሎም ፅልዋ ንምፅዋር ካብ ባንኪታት ዝረኸብዎ ልቓሕን ወለዱን ንኽስረዘሎም ነጋዶ ሓቲቶም። እዚ ሕቶ ነጋዶ ኣብቲ ትማሊ ሓሙስ ኣብ መቐለ ዝተቓንዐ ዋዕላ ነጋዶ’ዩ ቐሪቡ። ቢሮ ፋይናንስን ምትሕብባር ሃብትን እቲ ክልል ብጊድኡ፡ ሕቶ እቶም ነጋዶ ንምምላስ ምስ ዝምልከቶም ኣብያተ ዕዮ ፌደራል ከምዝዝትይ ኣፍሊጡ።

“ተወዲኡና” ንዝብሉ ተመዛበልቲ፡ ኣቶ ጌታቸው ኣቶ ረዳ ይቕረታ ይሓትት

“ተወዲኡና” ንዝብሉ ተመዛበልቲ፡ ኣቶ ጌታቸው ኣቶ ረዳ ይቕረታ ይሓትት

ኣብ በበይኑ ከተማታት ክልል ትግራይ ብውሽጣውያን ተመዛባልቲ ክካየድ ዝጸንሐ ሰላማዊ ሰልፊ ስዒቡ ሎሚ’ውን ኣብ ከተማ መቐለ ሰልፊ ተኻዪዱ ነይሩ። ንመረበቶም ክምለሱን ሰብኣዊ ሓገዝ ክግበረሎምን ንዝሓተቱ ተመዛበልቲ፡ ኣብቲ ኣጋጣሚ ዝተረኽበ ፕረዚደንት ግዜያዊ ምምሕዳር እቲ ክልል ኣቶ ጌታቸው ረዳ፡ ዛጊት በጺሑ ብዝተባህለ ኣደራዕ ይቕረታ ሓቲቱ ኣሎ።

ውሽጣውያን ተመዛበልቲ ክልል ትግራይ ናብ መንበሪኦም ክምለሱ ዝፅውዕ ሰላማዊ ሰልፊ የካይዱ

ውሽጣውያን ተመዛበልቲ ክልል ትግራይ ናብ መንበሪኦም ክምለሱ ዝፅውዕ ሰላማዊ ሰልፊ የካይዱ

ኣብ ክልል ትግራይ ከተማታት ዓዲግራት፡ ዓድዋ፡ ሽረ እንዳስላሴን ኣኽሱምን ዝርከቡ ተመዛበልቲ ናብ መረበቶም ንኽምለሱን ብተወሳኺ ድማ ሰብኣዊ ሓገዝ ንክቐርበሎም ዝሓትት ሰልፊ ኣካይዶም። ብተደጋጋሚ እዋን፡ ተመሳሳሊ ሕቶ ኣቕሪቦም ሰማዒ ግን ከም ዘይረኸቡ ተሰለፍቲ፡ ቅልጡፍ ፍታሕ እንተ ዘይረኺቦም ዝገደደ ሳዕቤን ክስዕብ ከም ዝኽእል የጠንቅቑ። ግዜያዊ ምምሕዳር ክልል ትግራይ ነቲ ጉዳይ ቀዳምነት ሂቡ ከም ዝሰርሓሉ ይገልጽ።

መቐለ -- ሓደጋ ምዕላብ ዘጋጠማ ነፋሪት መንገዲ ኣየር ኢትዮጵያ ዝወረደ ከቢድ ጉድኣት የለን

መቐለ -- ሓደጋ ምዕላብ ዘጋጠማ ነፋሪት መንገዲ ኣየር ኢትዮጵያ ዝወረደ ከቢድ ጉድኣት የለን

ሎሚ ሓሙስ 18 ጥሪ 2024 ድሕሪ ቀትሪ ካብ ኣዲስ ኣበባ ናብ መቐለ ትበርር ዝነበረት ነፋሪት መንገዲ ኣየር ኢትዮጵያ ኣብ ከተማ መቐለ መዕረፎ ነፈርቲ ኣሉላ ኣባነጋ ኣብ ዝበጽሓትሉ መዕረፊ ቦታኣ ስሒታ ምዕራፋ እቲ መንገዲ ኣየር ገሊፁ። መበገሲ እቲ ኩነታት ይፃሪ ከምዘሎ ዝገለፀ እቲ መንገዲ ኣየር ኣብ ልዕሊ ተሳፈርቲ ይኹን ኣባላት ጉጅለ በረራ ዝበፅሐ ጉድኣት የለን ኢሉ። እንተዀነ ኣብ ተሳፈርቲ ከቢድ ሻቕሎት ምንባሩ ኣብታ ነፋሪት ዝነበሩ ተጓዓዝቲ ሓቢሮም።

“ወርሒ ጥዕይቲ ኣደ” -- ንዳግመ-ሕውየት ኣደታት

“ወርሒ ጥዕይቲ ኣደ” -- ንዳግመ-ሕውየት ኣደታት

ንመጠን ሞተ ኣደን ዕሸልን ንምጕዳል፡ ከምኡ’ውን ኣብቲ ጉዳይ ኣፍልጦ ንምዕባይ ዝዓለመ “ወርሒ ጥዕይቲ ኣደ” ብዝብል ቴማ ዝተዳለወ ወፍሪ ኣብ ከተማ መቐለ ተጀሚሩ። እዚ ዝኸውን ዘሎ ምስ ኲናትን ካልእ ዘይምርግጋእን ተደማሚሩ፡ ኣብቲ ክልል 60% ኣደታት ብሕፅረት መግቢ ከም ዝጥቅዓ ኣብ ዝግለፀሉ እዋን’ዩ።

ደርቂ ሎሚ ዓመት፡ ንዓመታ ንኸይድገም

ደርቂ ሎሚ ዓመት፡ ንዓመታ ንኸይድገም

ኣብ ክልል ትግራይ ኣብዚ ዓመት ዝተራእየ ደርቂ ካብ ዘጋደዶም ረቋሒታት ሓደ ድዅዒ ደንጉዩ ብምእታዉ ምዃኑ ዘመልከተ ቢሮ ሕርሻ ክልል ትግራይ፡ ሕጂ ካብ ብሸዓኡ ኣብ ምድላው ከም ዘሎ ይሕብር ኣሎ። ዛጊት ኣስታት 100 ሽሕ ኩንታል ዘመናዊ ድዅዒ ናብቲ ክልል በፂሑ ናብ ወረዳታት ከም ዝተኸፋፈለ እቲ ቢሮ ኣፍሊጡ ኣሎ።

ማሕበር ቀይሕ መስቀል ኢትዮጵያ ሓደ ሰራሕተኛ ኣብ ክልል ትግራይ ምቕታሉ ኣፍሊጡ

ማሕበር ቀይሕ መስቀል ኢትዮጵያ ሓደ ሰራሕተኛ ኣብ ክልል ትግራይ ምቕታሉ ኣፍሊጡ

ማሕበር ቀይሕ መስቀል ኢትዮጵያ ሓደ ሰራሕተኝኡ ኣብ ክልል ትግራይ ወረዳ  እምባስነይቲ ብዘይተፈለጡ  ሰባት ከምዝተቐተልዎ ኣፍሊጡ።  ዘዋሪ መኪና ኣምቡላንስ ዝኾነ ሰራሕተኛ እቲ ማሕበር ሓንቲ ሕርሲ ዝተትሓዘት ኣደ ናብ ሕክምና ንምውሳድ  ኣብ ዝተንቀሳቐሰሉ እዋን እቲ ቕትልት ከምዝተፈፀመ እቲ ማሕበር ገሊፁ። 

ክልል ትግራይ፡ ጥሜት ኣብ ስርዓተ ትምህርቲ ዓቢ ተጽዕኖ ይፈጥር

ክልል ትግራይ፡ ጥሜት ኣብ ስርዓተ ትምህርቲ ዓቢ ተጽዕኖ ይፈጥር

ብሰንኪ ኣብ ክልል ትግራይ ተራእዩ ዘሎ ጥሜት ኣስታት 223-ሽሕ ተመሃሮ ኣብ ድርኵኺት ምቍራጽ ትምህርቲ ምህላዎም ቢሮ ትምህርቲ እቲ ክልል ሓቢሩ። ከም መፍትሒ ኣብያተ-ትምህርቲ ምግብና ተማህሮ ክስርዓ ዝጽውዕ ዘሎ እቲ ቢሮ፡ በበይኖም ወገናት ሓገዝ ከበርክቱ ጸዊዑ ኣሎ።

መጠን ሞት ደርቂ ክልል ትግራይ ይውስኽ፡ ንምዕጋቱ ፃዕርታት ይቕፅል

መጠን ሞት ደርቂ ክልል ትግራይ ይውስኽ፡ ንምዕጋቱ ፃዕርታት ይቕፅል

ኣብ ሓያሎ ወገናት ትግራይ ጥሜትን ደርቂን ኣብ ዘስፋሕፋሓሉ ኣብ ወረዳ ኣፅቢ ብምኽንያት ጥምየት ዝሞቱ ሰባት ቑፅሮም ይውስኽ ምህላዉ ምምሕዳር እታ ወረዳ ኣፍሊጡ። መንግስቲ ግን “ኣብዚ ሕጂ እዋን ህይወት ሰብ ብሰንኪ ጥሜት ምሕላፉ ኣየረጋገጽናን፡” በሃላይ’ዩ። ኣብ ተመሳሳሊ ምዕባለ “ህፁፅ ምላሽ ንትግራይ" ብዝብል ዝተጣየሸ ኮሚቴ ብግዲኡ 282 ሚልዮን ብር ብምትእኽኻብ 64 ሺሕ ኩንታል ዕፉን ብምዕዳግ ብድርቂ ናብ ዝተጎድኡ ከባቢታት ምብፃሕ ምጅማሩ ገሊፁ።

ፃውዒት ሓገዝ ንመወከሲ ሆስፒታል ዓይደር