ሙሉጌታ ኣጽብሃ

ፃውዒት ሓገዝ ንመወከሲ ሆስፒታል ዓይደር

ኣብ ክልል ትግራይ ዝዓበየ ትካል ጥዕና ዝኾነ መወከሲ ሆስፒታል ዓይደር፡ ብሰንኪ ኲናት ካብ ሓያሎ ዝህቦ ዝነበረ ኣገልግሎት ድሕሪ ምብኳሩ፡ ብገለ ግዱሳት ዝተበገሰ “ዓይደር ነድሕን” ዝብል ወፍሪ ምትኽኻብ ሓገዝ ይካየድ ኣሎ። እቲ ሆስፒታል ድሕሪ ስምምዕ ተጻብኦታት መጠናዊ ምምሕያሽን ቀረባት መድሃኒት ይርከብ ምህላዉ ሰብ-መዚ ይገልፁ። እንተዀነ ምስቲ ካልእ ተደራራቢ ማሕበራዊ ፀገማት፡ ናብቲ ዝነበሮ ብርኪ ንምምላሱ ከቢድ’ዩ ኮይኑ ከምዘሎ'ውን ይግለጽ'ሎ።

ክልል ትግራይን መንግስቲ ፈደራልን ኣብ ጉዳይ ጥሜት ኣይሰማምዑን

ክልል ትግራይን መንግስቲ ፈደራልን ኣብ ጉዳይ ጥሜት ኣይሰማምዑን

ግዜያዊ ምምሕዳር ክልል ትግራይ፡ ኣብቲ ክልል ኣጋጢሙ ንዘሎ ዝበሎ ጥሜት መንግስቲ ኢትዮጵያን ማሕበረሰብ ዓለምን ተራኦም ክጻወቱ ጸዊዑ። ፈደራላዊ መንግስቲ ግን ምስቲ በቲ ክልል ዝተዋህበ መግለጺ ኣይሰማምዕን። እኳ ደኣ ነቲ ጥሜት ኣብ ክንዲ ምፍዋስ፡ መራሕቲ ክልል ኣብ ነዊሕ ኣኼባ ምጽማዶም ይገልጽ። 

ኣሸናፊ ጫካ -- ስነ-ጥበብ ንጽባቐን ፍቕሪን

ኣሸናፊ ጫካ -- ስነ-ጥበብ ንጽባቐን ፍቕሪን

ኣብ ዝሓለፈ ቅንያት ኣብ ከተማ መቐለ ኣብ ዝተሰናድአ ሽልማት 'ኪነ-ያሬድ' ብፍሉይ ቅዲ ሙዚቃ ዝተሸለመ ሙዚቀኛ፡ ቀባኢን መምህር ስነ-ጥበበን ዝኾነ ኣሸናፊ ጫካ ፡ ብዛዕባ ስርሓቱን ኣብ ስነ-ጥበብ ንዘለዎ እምነትን ዝምልከት ኣዘራሪብናዮ ኣለና።

ቱሪዝም ትግራይ ንምጅማር እንታይ ይሓትት?

ቱሪዝም ትግራይ ንምጅማር እንታይ ይሓትት?

ኣቀዲሙ ብሰንኪ ለበዳ ኮቪድ-19 ጸኒሑ ድማ በቲ ኣዕናዊ ኲናት ሰሜን ኢትዮጵያ በዂሩ ንዝጸንሐ ጽላት ቱሪዝም ክልል ትግራይ ንምጅማር፡ ፈላማይ መስርሕ ጀሚሩ ኣሎ። እንተኾነ፡ ትሕተ-ቅርጺ ኣብ ዝዓነወ፡ ሰራሕተኛታት ሞያ ኣብ ዝቐየሩሉን መስመራት መራኸቢታት ኣብ ዝተብትከሉን እቲ ስራሕ ንምብርባሩ እንታይ የድሊ?

“ንልዕሊ ወርሒ ኣብ ኣኼባ ዝርከብ ኣመራርሓ ክልል ትግራይ ንጥሜት ኣቓልቦ ኣይሃቦን፡” ተቓወምቲ ውድባት

“ንልዕሊ ወርሒ ኣብ ኣኼባ ዝርከብ ኣመራርሓ ክልል ትግራይ ንጥሜት ኣቓልቦ ኣይሃቦን፡” ተቓወምቲ ውድባት

ዓረና ትግራይ፡ ባይቶና፡ ሳልሳይ ወያነ ትግራይን ውድብ ናፅነትን ብሓባር ኣብ ዝሃብዎ መግለፂ መንግስታዊ ኣገልግሎት ብምኽንያት እቲ ኣኼባ ይተኣጓጎል ኣሎ ክብሉ እውን ከሲሶም። ኣብቲ ጉዳይ ምላሽ ዝሃበ ኮሚሽን ኣመራርሓ ስግኣት እቲ ክልል ግን ነቲ ኣጋጢሙ ዘሎ ጥምየት ቀዳምነት ሂቡ ይሰርሓሉ ከም ዘሎ ገሊፁ።

መምሃራን ክልል ትግራይ ስራሕ ደው ከብሉ ምዃኖም የጠንቅቑ

መምሃራን ክልል ትግራይ ስራሕ ደው ከብሉ ምዃኖም የጠንቅቑ

ብኣማኢት ዝቑጸሩ መምህራን ክልል ትግራይ፡ ናይ ዝሓለፈ 17 ኣዋርሕ መሃያ ይከፈለና ብዝብል ጻውዒት ኣብ ከተማ ሽረ ትማሊ ሰንበት 17 ታሕሳስ 2023 ሰላማዊ ሰልፊ ኣካዪዶም። እዞም መምህራን ሕቶኦም ምላሽ እንተዘይረኺቡ ስራሕ ጠጠው ከብሉ ከምዝግደዱ ገሊፆም። ማሕበር መምህራን እቲ ክልል ብጊዲኡ፡ "ሕቶ ሰልፊ ዝወፁ መምህራን ሕቶ ኣብ ክልል ትግራይ ናይ ዝርከብ 45 ሺሕ መምህራን እዩ፡” ኢሉ።

ክልል ትግራይ ንኹነታት ደርቂ ዝከታተል ኮሚተ የቝም፡ ገለ ወገናት ግን ይነቕፉ

ክልል ትግራይ ንኹነታት ደርቂ ዝከታተል ኮሚተ የቝም፡ ገለ ወገናት ግን ይነቕፉ

"ህፁፅ ምላሽ ንትግራይ" ብዝብል ስያመ ዝተፀውዐ፡ ኣብ ክልል ትግራይ ኣጋጢሙ ንዘሎ ጥምየት ምላሽ ንምሃብ ዝሰርሕ ኮሚተ ሎሚ ሰሉስ 12 ታሕሳስ 2023 ቆይሙ። ኣብቲ ስነ-ስርዓት ዝተረኽቡ ፕረዚደንት ግዜያዊ ምምሕዳር ክልል ትግራይ ኣቶ ጌታቸው ረዳ፡ ኵላቶም ኣካላት ሓገዞም ክገብሩ ፀዊዖም። እንተዀነ ውድብ ዓረና ንዴሞክራሲን ልኡላውነትን፡ እቲ ግዜያዊ ምምሕዳር ነቲ ደርቂ ግቡእ ምላሽ ኣብ ምሃብ ሓላፍነቱ ኣየተዋፅአን ኢሉ ይኸስስ።

ክልል ትግራይ፡ ኣብ ወረዳ ኣፅቢ ብሰንኪ ጥምየት 111 ሰባት ምሟቶም ምምሕዳር'ቲ ዞባ ሓቢሩ

ክልል ትግራይ፡ ኣብ ወረዳ ኣፅቢ ብሰንኪ ጥምየት 111 ሰባት ምሟቶም ምምሕዳር'ቲ ወረዳ ሓቢሩ

ኣብ ዞባ ምብራቕ ትግራይ ወረዳ ኣፅቢ ኣብ ዝሓለፉ ሰለስተ ኣዋርሕ ጥራሕ ብሰንኪ ጥምየት 111 ሰባት ህይወቶም ምሕላፉ ምምሕዳር እታ ወረዳ ኣፍሊጡ። ሓላፊ ዓውዲ ቁጠባ እታ ወረዳ ኣይተ ብርሃነ ገብረ፡ ኣብ ዝሓለፈ ክራማት ኣብቲ ወረዳ እኹል ዝናብ ብዘይምዝናቡ ልዕሊ 82-ሽሕ ህዝቢ ንጥምየት ተሳጢሑ ክብሉ ንድምፂ ኣመሪካ ገሊፆም።

ኣብ ክልል ትግራይ ንዝተራእየ ጥምየት ሳዕቤኑ ከቢድ ክኸውን ከምዝኽእል ኣቶ ጌታቸው ረዳ ኣጠንቂቖም

ኣብ ክልል ትግራይ ንዝተራእየ ጥምየት ሳዕቤኑ ከቢድ ክኸውን ከምዝኽእል ኣቶ ጌታቸው ረዳ ኣጠንቂቖም

ኣብ ክልል ትግራይ ዝተፈጠረ ጥምየት ጠምተ ተዋሂቡ እተዘይተሰሪሕሉ ብዓሰርተታት ኣሸሓት ዝቑፀሩ ሰባት ህይወቶም ክሓልፍ ከምዝኽእል ፕረዚደንት ግዝያዊ ምምሕዳር እቲ ክልል ኣይተ ጌታቸው ረዳ ገሊፆም። ኣብ 52 ጣብያታት እቲ ክልል ብጥምየት ሰባት ከምዝሞቱ ዝገለፀ ድማ ኮምሽን ኣመራርሓ ስግኣት ሓደጋ ትግራይ እዩ። እቲ ዝተፈጠረ ጥምየት ኣብ ልዕሊ ህዝቢ ዝልዓለ ጉድኣት ንከይበፅሕ ኣብ ምክልኽል ዝነጥፍ ክልላዊ ኮሚተ ንምጥያሽ ሎሚ ሰሉስ 5 ታሕሳስ 2023 ዘተ ተኻይዱ'ሎ።

ንግደት ኣኽሱም ፅዮን ድሕሪ ሰለስተ ዓመት ብኵራቱ ብድምቀት ይኽበር

ንግደት ኣኽሱም ፅዮን ድሕሪ ሰለስተ ዓመት ብኵራቱ ብድምቀት ይኽበር

ዓመታዊ ንግደት በዓል ኣክሱም ፅዮን ንሰለስተ ዓመታት በዂሩ ድሕሪ ምጽናሕ፡ ሎሚ ዓርቢ 1 ታሕሳስ 2023 ብኣማኢት ኣሽሓት ምእመናን ኣብ ዝተረኽቡሉ ብድምቀት ተኸቢሩ ውዒሉ። ኣብዚ በዓል ንምስታፍ ካብ በበይኑ ቦታታት ኢትዮጵያ ዝመጽኡ ነጋድያን ተረኺቦም ነይሮም።

ክልል ትግራይ -- መልከፍቲ ኤችኣይቪ ቫይረስ ኣብ ዝወሰኸሉ፡ ጠመተ ግን ኣይግድን