ዜና ኤ ኤፍ ፒ

ሓለዋ ባሕሪ ሊብያ ኣስታት 30 ስደተኛታት ካብ ማእከላይ ባሕሪ ምምላሱ ሓቢሩ

ወሃቢ ቃል ሓለዋ ባሕሪ ሊብያ ኣዩብ ጋሲም ብሶሉስ ኣብ ዝዘግሕዎ መግለጺ 31 ስደተኛታት ጽዒና ማእከላይ ባሕሪ ብምቁራጽ ኣውሮጳ ትጉዓዝ ዝነበረት ጀልባ ኣብ ከባቢ ገማግም ባሕሪ ከተማ ሳባርታ ከምተታሕዘት ሓቢሮም።

ን21 ዓመታት ተሓቢኡ ዝጸንሓ ናይ 18 ክፍለ ዘመን ዘውዲ ኢትዮጵያ ናብታ ሃገር ክምለስ’ዩ

ንዝሓለፈ 21 ዓመታት ኣብ ናይ ሓደ ውልቀሰብ ገዛ ኣብ ኔዘርላንድስ ተሓቢኡ ዝጸንሓ ናይ 18 ክ/ዘመን ዘውዲ ኢትዮጵያ ናብታ ሃገር ክምለስ ናብ ሰበ ስልጣን ቅርሲ ኔዘርላንድስ ምርካቡ ተፈሊጡ።እቲ ዘውዲ ካብ ነሃስ ዝተሰርሓ ምኳኑን ምስሊ የሱስ ክርስቶስ ምስ 12 ደቂ መዛሙርቱ ዘለዎ ምዃኑ ተሓቢሩ’ሎ።

ዑደት ቀ/ሚ ኣብይ ኣሕመድ ኣብ ከፋ ዞን

ቀ/ሚ ኣብይ ኣሕመድ ኣብ ምዕራብ ኢትዮጵያ ኣብ ዘካይድዎ ዑደት ኣብ ከፋ ዞን ቦንጋ ስታንድዮም ተረኺቦም ንነበርቲ ዞባ ከፋ መደረ ኣስሚዖም። ነበርቲ ብወገኖም ንቀ/ሚ ሕቶታት ዝሓተቱ ኽኮኑ ከለው እቲ ነንዊሕ ዝጸንሓ ሕቶ’ቲ ዞባ ናብ ክልል ምዃን’ውን ተላዒሉ ኔሩ።ምክትል ቀ/ሚ ደመቀ መኮነን ሚንስትር ምክልካል ለመ መርገሳ’ውን ኣብቲ ዑደት ዝተሳተፉ ምዃኖም ተፈሊጡ’ሎ።

ቀ/ሚ ኢትዮጵያ ኣብይ ኣሕመድ ምስ ናይ እስራኤል መዘነኦም ቀ/ሚ ቤንጃሚን ነታንያሁ ተራኺቦም፡ተዘራሪቦም

ቀዳማይ ሚንስትር ኢትዮጵያ ኣብይ ኣሕመድ ምስ ናይ እስራኤል መዘነኦም ቀ/ሚ ቤንጃሚን ነታንያሁ ኣብ ከተማ እየሩሳሌም ተራኺቦም፡ ኣብ ክልቲኣዊ ዝምድና ብፍላይ ድማ ኣብ ዓውድታት ንግዲን ምክልካልን ዝምልከት ሓባራዊ ጋዜጣዊ መግለጺ ሂቦም ኣለው።

186 ስደተኛታት ካብ ገማግም ባሕሪ ሊብያ ምድሓኖም ተገሊጹ

40 ስደተኛታት ዝጸዓነት ጀልባ ብሓለዋ ባሕሪ ኢጣልያ ከይተራእየት ኣብ ገማግም ሲሲሊ ኣትያ

ሊብያ ሰለስተ መዳጎኒ ማእከል ስደተኛታት ከምትዓጽው ኣፍሊጣ

 ኣብ ሱዳን ኣብ ዝተኻየደ ተቓውሞ 5 ሰባት ምሟቶም ተቓወምቲ ገሊጾም

ኣብ ሱዳን ብዝተኻየደ ተቓውሞ 5 ሰባት ምሟቶም ተቓወምቲ ገሊጾም

ሱዳናዊያን ተሓለቕቲ ሰብኣዊ መሰላት ሓይልታት ጸጥታ ሎሚ ሶኑይ ኣብ ምዕራባዊ ምምሕዳር’ታ ሃገር ናይ ተቓውሞ ሰልፊ ዘካይዶ ዝነበሩ ተማሃሮ ብጎነጽ ምብታኖም ገሊጾም።

ሬሳ 62 ስደተኛታት ኣብ ገማግም ባሕሪ ከተማ ኮምስ ሊብያ ምርካቡ ተገሊጹ

ኣስታት 300 ስደተኛታት ጽዒና ትጉዓዝ ዝነበረት ጀልባ ብሓሙስ ኣብ ገማግም ባሕሪ ሊብያ ድሕሪ ምጥሓላ ሃለዋት 115 ካብቶም ስደተኛታት ከምዘይተረኽበ ክግለጽ ጸኒሑ’ዩ። ኣቐዲሙ ናይ ሕቡራት ሃገራት ትካል ስደተኛታት ኣስታት 150 ካብቶም ስደተኛታት ሞይቶም ክኾኑ ይኽእሉ’ዮም ብምባል ’እቲ ዝኸፍአ ናይዚ ዓመት ሓደጋ ማእከላይ ባሕሪ’ ክብል ነቲ ፍጻመ ምግላጹ ይዝከር።

ምዕጻው ዶብ ኢትዮ-ኤርትራ ተፈጢሩ ዝነበረ ተስፋ ምዝሕታሉ ነበርቲ ከተማ ዛላምበሳ ይገልጹ

ተክሊት ኣማረ ኣብ መንጎ ኤርትራን ኢትዮጵያን ንኣስታት 20 ዓመታት ዝጸንሓ ኹናት ዝሓለፈ ዓመት ብስምምዕ ኣዋጅ ሰላምን ምሕዝነት ድሕሪ ምዝዛሙ ናብታ ተወሊዱ ዝዓበየላ ከተማ ዛላምበሳ ብምምጻእ ‘ሰላምን ፍቕን’ ተባሂላ ትጽዋዕ ካፈ ከፊቱ። ኣብዚ ሕጂ እዋን ሓደ ዓመት ድሕሪ ምክፋት ዶብ ኤርትራን ኢትዮጵያን ተኽሊት ካፈኡ ብዝሒ ዓማዊል ከምዘይብሉን ዝነበረ ተስፋ ምጥፍኡን ይገልጽ።

ሚንስተር ፋይናንስ ፈረንሳ ብሩኖ ለ ማር ሎሚ ኣብ ከተማ አዲስ አበባ ዑደት የካይዱ ኣለው

ሚንስትር ፋይናንስ ፈረንሳ ብሩኖ ለ ማር ምስ ቀዳማይ ሚንስትር ኢትዮጵያ ዶ/ር ኣብይ ኣሕመድ ተራኺቦም ተዘራሪቦም። ኣብቲ ርክብ ሚንስትር ለ ማር ነቲ ኣብ መንጎ ክልቲኦም ሃገራት ዘሎ ቁጠባዊ ምትሕብባር ንምሕያል ዘለዎም ድልውነት ገሊጾም። ሚንስትር ለ ማረ ኣብ መንጎ ክልቲኦም መራሕቲ ዘሎ ዝምድና'ውን ኣብቲ አጋጣሚ ንኢዶም ኣለው።

ወታሃደራዊ መሪሕነትን ተቓወምቲን ሱዳን ስምምዕ ኣዋጅ ፖለቲካ ተፈራሪሞም

ወታሃደራዊ መሪሕነትን ተቓወምቲን ሱዳን ስምምዕ ኣዋጅ ፖለቲካ ተሰማሚዖም

ወታሃደራዊ መሪሕነት ሱዳንን ተቓወምቲን መዝነት ንምምቕራሕ ሎሚ ረቡዕ ስምምዕ ተፈራሪሞም ኣለው። ተወከልቲ ወታሃደራዊ ቤት ምኽሪ ሱዳንን ሓይልታት ኣዋጅ ንናጽነትን ለውጢን ሎሚ ረቡዕ “ኣዋጅ ፖለቲካ” ዝተባህለ ስምምዕ ምምቕራሕ መዝነት ተፈራሪሞም።

መግለጺ ጋዜጠኛ እስክንድር ነጋ ብጉጅለ መንእሰያት ተዓናቒፉ

መግለጺ ጋዜጠኛ እስክንደር ነጋ ባንዴራ ኢትዮጵያ ብዝሓዙ ጉጅለ መንእሰያት ዝተዓነቐፈ ኮይኑ እቶም መንእሰያት ኣብ መንጎ ዝተፈላለዩ ዓሌታት ውጥረት ኣለዓዒሉ’ዩ ክብሉ’ውን ከሲሶም ኣለው።ንሱ ብወገኑ መንግስቲ ነቲ ኣብ ዝሓለፈ ወርሒ ኣብ ኢትዮጵያ ዘጋጠመ ምቕታል ላዕለዎት ሰበ ስልጣን ንነቐፍቲ ንምእሳር ይጥቐመሉ ኣሎ ይብል።

“ብሓድነት ኢትዮጵያ ንዝመጸና ብብርዒ ዘይኮነ ክላሽን ሒዝና’ውን ክንዋጋእ ኢና” ቀ/ሚ ኣብይ ኣሕመድ

ቀዳማይ ሚንስትር ኢትዮጵያ ዶ/ር ኣብይ ኣሕመድ “ሓቂ ምስና ምስቶም መራሕቲ ለውጢ ስለዝኾነት ዝዓግተና የልቦን” ክብሉ ሎሚ ንፓርላማ ኣብ ዝሃብዎ መግለጺ ሓቢሮም። ቀዳማይ ሚንስትር ኣብይ ኣብቲ ሎሚ ንፓርላማ’ታ ሃገር ዝሃብዎ መግለጺ ብሓድነት ኢትዮጵያ ንዝመጸና ሓይልታት ብብርዒ ዘይኮነ ክላሽን ሒዝና’ውን ክንዋጋእ ኢና ክብሉ ኣብቲ ጉዳይ ከምዘይደራደሩ ኣፍሊጦም።

ሲቪላዊ ምምሕዳር ብምጥላብ ኣብ ዝተካየደ ተቓውሞ ሱዳን 5 ሰባት ሞይቶም

ማሕበር ሓካይም ሱዳን ኣብቲ ትማሊ ሰንበት ኣብ መላእ ሱዳን ዝተኻየደ ናይ ተቓውሞ ሰልፊ ሓሙሽተ ሰባት ምሟቶምን ካልኦት ብዙሓት ምቁሳሎም ሓቢሩ’ሎ።ብኣሽሓት ዝቑጸሩ ሱዳናዊያን ሲቪላዊ መንግስቲ ክምስረት ብምጥላብ ትማሊ ሰንበት ኣብ መላእ’ታ ሃገር ናይ ተቓውሞ ሰልፊ አካይዶም ኣለው።

ኣብ ኢትዮጵያ ዝተኻየደ ፈተነ ዕልዋ ብዝተሓሓዝ ልዕሊ 250 ሰባት ኣብ ትሕቲ ቀይዲ ምእታዎም ሰበ ስልጣን ገሊጾም

ዝሓለፈ ቐደም ኣብ ልዕሊ ሰበ ስልጣን ክልል ኣምሓራን ኣብ ባህርዳር ከምኡ’ውን ኣብ ሓላፊ ስታፍ ኢትዮጵያን ካልእ ጡረተኛ በዓል ስልጣን ኣብ ዋና ከተማ አዲስ አበባ ዝተኻየደ መጥቓዕቲ ስዒቡ ኢትዮጵያ ኣብ ልዑል ሓለዋ ጸጥታ ከምትርኸብ ይፍለጥ።ናይ ጸጥታን ፍትሒን ግብረሃይሊ ልዕሊ 212 ጥርጡራት ኣብ ክልል ኣምሓራ ልዕሊ 43 ጥርጡራት ኣብ አዲስ አበባ ኣብ ትሕቲ ቀይዲ ምእታው ትማሊ ሓሙስ ኣፍሊጡ።

ሕቡራት ሃገራት ኩነታት ኣብ መዳጎኒ ማእከል ሊብያ ዘለው ስደተኛታት ከምዘሻቐሎ ገሊጹ

45 ካብ ማእከላይ ባሕሪ ዝደሓኑ ስደተኛታት ናብ ወደብ ላምፓዱሳ ምእታዎም ተገሊጹ