ብርሃነ በርሀ

ኣከባብራ በዓል ልደት ኣብ ኣስመራ

27 ዓመታት ድሕሪ ዕረፍቱ -- የማነ ባርያ ሕጂ’ውን “ኣቦ-ጥበብ”

27 ዓመታት ድሕሪ ዕረፍቱ -- የማነ ባርያ ሕጂ’ውን “ኣቦ-ጥበብ”

ኣብ ሙዚቃ ኤርትራ ብቐንዱ፡ ኣብ ናይ ትግርኛ ሙዚቃ ድማ ብዓቢኡ ዓቢ ጽልዋ ገዲፉ፡ ኣብ መበል 48 ዓመቱ፡ ኣብ 1997 ዝዓረፈ ድምጻዊ የማነ ገብረሚካኤል (ባርያ)፡ 27 ዓመታት ድሕሪ ዕረፍቱ’ውን ጽልዋኡ ዓቢ’ዩ ዘሎ።

መጽሓፍ ተስፋዬ ገብረኣብ ድሕሪ ሞቱ

መጽሓፍ ተስፋዬ ገብረኣብ ድሕሪ ሞቱ

ህቡብ ኢትዮጵያዊ-ኤርትራዊ ደራሲን ተመራማሪን ተስፋዬ ገብረኣብ፡ ብ24 ታሕሳስ 2021 ኣብ ናይሮቢ ኬንያ’ዩ ብሕማም ዓሪፉ። ኣብ ኢትዮጵያን ድሒሩ ድማ ኤርትራ ሰፊሕ ተነባብነት ዘለዎ መጽሓፍቲ ተስፋዬ፡ መብዛሕትኡ ኣብ ሓቀኛ ፍጻመታት ወይ ታሪኽ ምርኩስ ብምግባር ዝተደርሰ ልዕሊ 10 መጽሕፍቲ የሕቲሙ ነይሩ። ኣብዚ ሰሙን እምበኣር ብምኽንያት ሳልሳይ ዓመት ሞት እቲ ደራሲ ኣብ ዝዝከረ መደብ፡ ቅድሚ ሞቱ ዛዚሙዋ ዝነበረ መጽሓፍ ናብ ትግርኛ ተተጒማ ናብ ኣንበብቲ ቀሪባ ኣላ።

ሻሙናይ እብረ ዑደት ፕረ. ሓሰን ሸኽ መሓሙድ ናብ ኣስመራ

ሻሙናይ እብረ ዑደት ፕረ. ሓሰን ሸኽ መሓሙድ ናብ ኣስመራ

ትማሊ ረቡዕ ንሻሙናይ ግዜኡ ናብ ኣስመራ ዝተጓዕዘ ፕረዚደንት ሶማሊያ ሓሰን ሸኽ መሓሙድ፡ ሎሚ ሓሙስ ንሃገሩ ቅድሚ ምምላሱ፡ ምስ ፕረዚደንት ኢሳይያስ ኣፈወርቂ ናይ ኤርትራ ኣብ ዞባዊ ምርግጋእን ሓባራዊ ጽምዶን ኣመልኪቶም ምዝርራቦም ድሒሩ ዝወጽአ ጋዜጣዊ መግለጺ ኣመልኪቱ። ፕረዚደንት ሓሰን ክልተ ሰሙን ድሕሪ’ቲ ኣርእስተ-ዜና ኰይኑ ዝቐነየ፡ ኣብ ኣንካራ ዝተቓንዐ፡ ርክብ ምስ ቀዳማይ ሚኒስተር ኢትዮጵያ ኣቢይ ኣሕመድ ድሕሪ ምክያዶም ምዃኑ’ዩ።

ምርኢት ፋሽን ምስ ኣካላዊ ስንክልና ዝነብሩ ኣካላት ሕብረተሰብ

ምርኢት ፋሽን ምስ ኣካላዊ ስንክልና ኣብ ዝነብሩ ኣካላት ሕብረተሰብ

ምስ በበይኑ ኣካላዊ ስንክልና ዝነብሩ ዜጋታት ኣብ ሓድሕድን ኣብ መንጎ ሕብረተሰብን ዘሎ ርድኢት ንምጽባብ ዝዓለመ ምርኢት ፋሽን ብ6 ታሕሳስ ኣብ ኣስመራ ተኻዪዱ ነይሩ። እቲ ኣጋጣሚ ነቲ ብ3 ታሕሳስ ተዘኪሩ ዝውዕል ዓለማዊ መዓልቲ ምስ ስካላዊ ስንክልና ዝነብሩ ዜጋታት ንምዝካር’ውን ዝዓለም’ዩ ነይሩ። ኣብቲ ኣጋጣሚ ብተሳተፍቲ ዝቐረበ ምርኢት ክዳውንቲን ነቲ ሕብረተሰብ ዝጸንሐ ግንዛበ’ውን ክእርም ዝኽእል ምዃኑ ካብ ኣደላውቲን ተሳተፍቲን ይገልጹ።

ምስ መንእሰያት ሰራሕቲ ድሮንን ሮቦትን

ምስ መንእሰያት ሰራሕቲ ድሮንን ሮቦትን

ሚኒስትሪ ትምህርቲ ኤርትራ ጨንፈረ ዞባ ማእከል ምስ ማእከል ምርምርን ዳህሳስን ተመሃሮ ብምትሕብባር ኣብ ቀጽሪ ኤክስፖ ኣስመራ ንሓደ ሰሙን ዝተኸፍተ ምርኢት ምርምር ሮቦትን ስራሓት ዲጂታላዊ ዕዮን ትማሊ ሰንበት ተዛዚሙ ኣሎ። ኣብዚ መደብ ተመሃሮ ካልኣይ ደረጃ’ዮም ድሕሪ’ቲ ግብራዊ ትምህርቶም ውጽኢት ስራሓቶም ንህዝቢ ኣቕሪቦም።

ምርኢት ዲጂታላዊ ስራሓት ኤክስፖ

ምርኢት ዲጂታላዊ ስራሓት ኤክስፖ

ኣብ ኣስመራ ቀጽሪ ኤክስፖ፡ ተመሃሮ ካልኣይ ደረጃ ዞባ ማእከል ዘቕረቡዎ ዲጂታላዊ ዕዮ ንምርኢት ቀሪቡ ኣሎ። እዞም ተመሃሮ ሰለስተ ደረጃታት ዘጠቓለለ ንመተግበሪ (ኣፕሊከሽን) ካልእ ሮቦታዊ ስራሓትን ስልጠና ድሕሪ ምውሳዶም’ዮም ስራሓቶም ንህዝቢ ኣቕሪቦም።

መንግስትኣብ ገ/ገርግሽ -- ሕጂስ ኣይተጋየሸን

መንግስትኣብ ገ/ገርግሽ -- ሕጂስ ኣይተጋየሸን

ድምጻዊ መንግስትኣብ ገብረገርግሽ (ተጋዪሸ) ኣብ ወርሒ ሕዳር ናብ ህዝቢ ዝዘርግሐ ሳልሰይቲ ኣልበም ኣውጺኡ ኣሎ። “ኣሕላም” ዝተሰየመት ኣልቡም ኣብ ኤርትራ ብዝዝወትሩ 9 ቋንቋታትን በበይኑ ህርመታትን ዝሓዘት’ያ። መንግስትኣብ ነዛ ብብዙሕ መዳያት ናይ ፈተነ ስራሕ ዝዀነት ኣልበም፡ ምስቲ ኵሉ ዝገበሮ ወጻኢታት ብናጻ ክዝርግሓ ምውሳኑ “ሞሳ ንሰማዒኡ” ምዃኑ ኣብቲ ምስ ድምጺ ኣመሪካ ዝግበሮ ቃለ-መጠየቕ ጠቒሱ ኣሎ።

ኤርትራ: ሻምፕዮን ቅድድም ብሽክለታ ዞባ ማእከል 2024 ተዛዚሙ

ኤርትራ: ሻምፕዮን ቅድድም ብሽክለታ ዞባ ማእከል 2024 ተዛዚሙ

ዝሓለፈ ሰንበት 24 ሕዳር ብዘጋጠመ ብርቱዕ ንፋስን በረድን ዝተሓወሶ ዝናብ 12 ዙርያታት ምስ ተረፎ ዝተቛረጸ ናይ ዓበይቲ ደቂ ተባዕትዮ ውድድር፡ ትማሊ ሰንበት 1 ታሕሳስ ዳግማይ ኣብ ዝተኻየደሉ፡ ኣባል ጋንታ ኣስቤኮ ሚልኪያስ ማእከለ ኣብ ናይ መወዳእታ ዙርያ ካብ መቐዳድምቱ ሞሊቑ ብምውጻእ ብዘይተቓጻጺ ብምዕዋት ሻምፕዮን ቅድድም ብሽክለታ ዞባ ማእከል ኮይኑ።

ዓወታት ጎብለል ተቐዳደምቲ ዝፈጠሮ ቅዱስ ቅንኢ

ዓወታት ጎብለል ተቐዳደምቲ ዝፈጠሮ ቅዱስ ቅንኢ

ኤርትራዊ ተቐዳዳሚ ጋንታ ኢንተርማርሸ ቢንያም ግርማይ ኣብ ዝዓበየ ውድድር ቱር-ዲ-ፍራንስ ናይዚ ዓመት ዓቢ ዓወት ድሕሪ ምምዝጋቡን፡ ንዕኡ ስዒቡ ድማ ተሰላፊ ጋንታ ኣስታና ሄኖክ ምሉእብርሃን ኣከታቲሉ ንሳልሳይ እዋን ሻምፕዮን ኣፍሪቃ ድሕሪ ምዃኑን፡ ጽልዋኦም ኣብ መንእሰያት ተቐዳደምቲ ዓቢ ኰይኑ ኣሎ።

ርእይቶ ነበርቲ ኣስመራ ኣብ ምዕዋት ዶናልድ ትራምፕ