ሙሉጌታ ኣጽብሃ

ሰላማዊ ሰልፊ ተመሃሮ ዩኒቨርስቲ መቐለ ብኣባላት ጸጥታ ተበቲኑ፡ 10 ምእሳሮም ተመሃሮ ይሕብሩ

ሰላማዊ ሰልፊ ተመሃሮ ዩኒቨርስቲ መቐለ ብኣባላት ጸጥታ ተበቲኑ፡ 10 ምእሳሮም ተመሃሮ ይሕብሩ

ኣቐዲሞም ብምኽንያት ኲናት ተደናጉዮም ዝፀንሑ’ሞ ሎሚ ዓመት’ውን ከም ዘይምረቑ ዝተነግሩ ተመሃሮ ዩኒቨርስቲ መቐለ ነቲ ትእዛዝ ብምቅዋም ሰላማዊ ሰልፊ ወጺኦም። እቲ ሰልፊ ብሓይሊታት ጸጥታ ከም ዝተበተነ ዝዛረቡ ተሰለፍቲ፡ 10 ካብ መንጎኦም’ውን ምእሳሮም ኣመልኪቶም። ፖሊስ ከተማ መቐለ ግን እቲ ሰልፊ ኣፍልጦ ከም ዘይተዋህቦ ይሕብር። 

መንግስቲ ምትፍናን ክልላት ኣምሓራን ትግራይን ብዘተ ክዓርፍ ይፅውዕ፡ ክልል ትግራይ ግን ዓሌታዊ መጥቃዕቲ ይቕጽል ምህላዉ የመልክት

መንግስቲ ምትፍናን ክልላት ኣምሓራን ትግራይን ብዘተ ክዓርፍ ይፅውዕ፡ ክልል ትግራይ ግን ዓሌታዊ መጥቃዕቲ ይቕጽል ምህላዉ የመልክት

ወሃብ-ቃል መንግስቲ ኢትዮጵያን ሚኒስተር መራኸቢታትን ለገሰ ቱሉ፡ ኣብ ከባቢ ኮረም-ኣላማጣ ንዝርአ ዘሎ ተደጋጋሚ ምልውዋጥ ተዅሲ፡ ክልላት ኣምሓራን ትግራይን ነቲ ዘሎ ምትፍናን ብሰላማዊ መንገዲ ክፈትሕዎ ብምጽዋዕ፡ መንግስቲ ብህዝበ-ውሳነ ክፈትሖ ምዃኑ ገሊጹ። እቲ ሚኒስተር፡ እቲ ዝካየድ ዘሎ ጎንጺ ንስምምዕ ፕሪቶሪያ ዝሰብር’ዩ ክብል እንከሎ፡ ምምሕዳር ዞባ ደቡብ ክልል ትግራይ ግን ነቲ ጎንጺ ዘበግሱ ዘለዉ ዕጡቓት ክልል ኣምሓራ’ዮም ክብል ይኸስስ።

ሰልፊ ብልጽግናን ህወሓትን “ደንጉዩ” ዝተባህለ ዘተ ይጅምሩ

ሰልፊ ብልጽግናን ህወሓትን “ደንጉዩ” ዝተባህለ ዘተ ይጅምሩ

ትማሊ ላዕለዎት ኣመራርሓ ክልቲኦም ውድባት ኣብ ከተማ መቐለ ድሕሪ ምዝታዮም ፖለቲካዊ ልዝብ ንክጅመር ምውሳኖም ሓቢሮም፡ እንተኾነ ግን እዚ ዝደንጎየ ውሳነ እዩ ክብሉ ንድምፂ ኣመሪካ ርእይቶ ዝሃቡ ክኢላታት ይገልጹ። ድምጺ ኣመሪካ ዘዘራረቦም ወገናት ድማ እቲ ዝርርብ ኣዝዩ ወሳኒ’ዩ ክብሉ እንከለዉ፡ ንሓድሕድ ምትእምማን ኣብ ምፍጣር ዓቢ ተራ ክጻወት ይትስፈዉ።

"ኣዕቋቢ’ውን ጠዋሪ ኣብ ዝደልየሉ፡ ተሓገዝቲ ደኣ..."

"ኣዕቋቢ’ውን ጠዋሪ ኣብ ዝደልየሉ፡ ተሓገዝቲ ደኣ..."

ድሕሪ ምጅማር ኲናት ክልል ትግራይ፡ ብኣሽሓት ዝቑጸሩ ኣብ መዓስከራት ስደተኛታት ትግራይ ተዓቚቦም ዝጸንሑ ኤርትራውያን ኣብ መንጎ ክልተ ሓዊ’ዮም ተቐርቂሮም። ኩነታት ምስ ሃድአ’ውን እቶም ኣመቶም ክገብሩ ትጽቢት ዝነበሮም ከም ኮሚሽን ስደተኛታት ሕቡራት ሃገራት ወይ ድማ ጉዳያት ተመለስቲን ስደተኛታትን ኢትዮጵያ ገና ደሃዮም ኣይገበረን።

ሓረስቶት ወረዳ ራያ-ዓዘቦ ሰለማዊ ሰልፊ ይገብሩ

ኣብ ደቡብ ክልል ትግራይ ከተማ መኾኒ፡ "መሬትና ብሽም ኢንቨስትመንት ንዘየልምዑ ሰብ-ሃብቲ ይወሃብ ኣሎ" ብምባል ሓረስቶት ትማሊ ሰኑይ ሰልፊ ኣካይዶም። እቶም ተሰለፍቲ “መንእሰያት ተወላዶ እቲ ከባቢ መሬት’ውን ክረኽቡ ስለ ዘይከኣሉ ንስደተን ካልእ ማሕበራዊ ሽግራትን ይቃልዑ ኣለዉ፡” ይብሉ።

ሓረስቶት ወረዳ ራያ-ዓዘቦ ሰለማዊ ሰልፊ ይገብሩ

ጸገም ፍርያምነት? ማእከል ጥዕና ኣዶ መፍትሒ የቕርብ

ጸገም ፍርያምነት? ማእከል ሕክምና ኣዶ መፍትሒ የቕርብ

ጸገም ውላድ ንዘጋጠሞም መጻምድቲ፡ እንቋቝሖ ጓል ኣንስተይቲ ምስ ዘርኢ ወዲ ተባዕታይ ብምውህሃድ ከም ዝጸጊ ዝገብር ሕክምና (ኢንቪትሮ ፈርቲላይዜሽን) ኣብ መቐለ ኣብ ቀረባ እዋን ተኸፊቱ ኣሎ። እዚ ማእከል ጥዕና ኣገልግሎት ጀሚሩስ ድሮ ካብቶም ተኻዪዶም ዘለዉ 50 መስርሓት እቶም ፍርቆም ዕዉታት ምዃኖም መስራቲ እቲ ሕክምና ዶክተር ሳምሶም ሙሉጌታ ንወኪልና ሓቢሩዎ ኣሎ። እዚ መጠን ማዕረ’ቲ ኣብ ካልኦት ኣብዚ መዳይ ቀዲመን ዘለዋ ሃገራት ምዃኑ’ዩ እቲ ክኢላ ዝሕብር።

ሓድሽ ስርዓተ ትምህርቲ ክልል ኣምሓራ ብወገን ክልል ትግራይ ቍጠዐ የስዕብ

ሓድሽ ስርዓተ ትምህርቲ ክልል ኣምሓራ ብወገን ክልል ትግራይ ቍጠዐ የስዕብ

ካቢነ ግዜያዊ ምምሕዳር ክልል ትግራይ ብሓይሊ ተወሲዱ ንዝበሎ መሬት፡ ክልል ኣምሓራ ኣብ ካርታ ኣእትዩ ኣብ ስርዓተ ትምህርቲ ኣጠቓሊሉዎ ኣሎ ብምባል ብትሪ ኰኒኑ። እቲ ምምሕዳር ሎሚ ኣብ ዘውጽኦ መግለጺ፡ እቲ ካቢነ ፈደራል መንግስቲ’ውን ነቲ ብክልል ኣምሓራ ዝተወስደ ስጉምቲ መዕገቲ ብዘይምግባሩ ነቒፉ ኣሎ። ካብ ክልል ኣምሓራን ፈደራል መንግስቲን ኣብዚ ጉዳይ ግብረ-መልሲ ንምርካብ ዝተኻየደ ጻዕሪ ኣይሰመረን።

3 ውድባት ትግራይ ኣብ መስርሕ ምቛም ቤት ምኽሪ ተቓውሞኦም ገሊፆም

3 ውድባት ትግራይ ኣብ መስርሕ ምቛም ቤት ምኽሪ ተቓውሞኦም ገሊፆም

ካቢኔ ጊዜያዊ ምምሕዳር ክልል ትግራይ ንስራሕ እቲ ምምሕዳር ዝቆፃፀርን ዝከታተልን ኣማኻሪ ካውንስል ንምቛም ደንቢ ኣፅዲቑ። ኣብ ክልል ትግራይ ዝነጥፉ ሰለስተ ውድባት ዓረና ትግራይ፡ ሳልሳይ ወያነንን ዓሲምባን ግን እቲ ኣብ ደምቢ ሓሊፉ ዘሎን ኣቐዲሙ ዝተኣመመ ቤት ምኽሪን በበይኑ’ዩ ብምባል ተቓውሞኦም ይገልጹ። እቶም ሰለስተ ውድባት ሎሚ ኣብ መቐለ ኣብዚ ጉዳይ ዝጠመተ ጋዜጣዊ መግለጺ ሂቦም ነይሮም።

ሚ/ገንዘብ ኢትዮጵያ ጡረተኛታት ክልል ትግራይ ውዙፍ ክፍሊት ክኽፈሎም ወሲኑ

ሚ/ገንዘብ ኢትዮጵያ ጡረተኛታት ክልል ትግራይ ውዙፍ ክፍሊት ክኽፈሎም ወሲኑ

ኣብ ክልል ትግራይ ዝርከቡ ጡረተኛታት ኣብ እዋን ኲናት ዘይተኸፈሎም ውዝፍ ክፍሊት ኣበል ጥሮታ ንክኽፈል ከምዝተወሰነ ሚንስትር ገንዘብ ኢትዮጵያ ኣፍሊጡ። ምኽትል ሚንስተር ዶክተር ኢዮብ ተካልኝ ገንዘብ ጡረታ ኣብ ዘይተኣከበሉ እዋን ዝኽፈል ኣበል ጡረታ ብኣሰራርሓን ሕግን እታ ሃገር የለን ዝበሉ ኮይኖም ኮይኑ ግና እቲ ውሳነ ፖለቲካዊ እዩ ኢሎም።

ፈላማይ ርክብ ተወከልቲ ህዝቢ ትግራይን ቀ/ሚኒስተር ኣቢይን

ፈላማይ ርክብ ተወከልቲ ህዝቢ ትግራይን ቀ/ሚኒስተር ኣቢይን

ኣስታት 200 ወከልቲ ክልል ትግራይ ዝተሳተፉዎ ዘተ ምስ ቀዳማይ ሚኒስተር ኣቢይ ኣሕመድን ካልኦት ሰብ-መዚ መንግስቲን ሎሚ ኣብ ኣዲስ ኣበባ ተኻዪዱ። ኣብዚ ፕረዚደንት ግዜያዊ ምምሕዳር ክልል ትግራይ’ውን ዝተረኽበሉ፡ ምስ ቀዳማይ ሚኒስተር ዝተገብረ ናይ ፈለማ ዘተ፡ ብወገን ተወከልቲ ቀዳምነታት ክወሃቦም ዘለዎም ጉዳያት ተላዒሎም ኣለዉ።